سبحان الله وبحمده وسبحان الله العظيم
لا حول ولاقوة إلا بالله العلى العظيم
اعوذ بكلمات الله التامات من شر ما خلق
سميره بصدمه وصوت عالى : يعنى ايه .. انت ازاى يا سعيد تسيب بنتك وتمشى
رامى : انا كمان ها اتجنن من تصرفك دا يابابا .. انا لو شوفته ها اقتله هو وهى عشان توافق على حاجه زى كدا
سعيد : والله وكبرت وبتعلى صوتك عليا وكمان عايز تقتل اختك وجوزها
رامى : يا بابا .. انا اسف . بس ازاى انت قابل انا ها اتجنن
سعيد : مين قالك انى قابل … ها نفكر بهدوء ونحل المشكله والا نكبرها ونفضح نفسنا وسط الناس .. واصلا اختك اتغصبت على الا حصل هى والواد .. انت عايز تقتلهم بأى حق
سميره : انت عارف كلام الناس يا سعيد ما بيرحمش وها يألفو بدال القصه الف
سعيد : عارف عشان كدا بقولكم اهدو ونحلها ودى كدا بينا وبين بعض .. ادم راجل وسيد الرجاله وما تخرجش منه العيبه ظروفه واتصرف بتسرع ومن غير وعى عايز يجبر ابنه يفضل فى حضنه ويشوف ولاده
سميره بجمود : لا مش على حسابنا ولا حساب بنتى وفرحتها .. قولى مين فى الدنيا كلها مش بيستنى اللحظه الا يمسك فيها بنته يسلمها قدام الناس كلها لعريسها .. يحرمونى ويحرموك من فرحتنا ليه بيها
رامى : اتخنق .. ودموعه نزلت وبعصبيه هما مش متعودين عليها .. اختى يا بابا .. وبيوطى على رجل ابوه يبوسها .. ابوس رجلك اتصرف وتعالى نجيبها قبل ما يلمسها .. دى الجوهره بتاعتنا .. ارجوك يا بابا
سعيد مسك رامى وقومه : وواخده فى حضنه .. اهدى يا حبيبى .. اختك بميت راجل وها تحافظ على نفسها وادم ها يجبها .. انا عارف وتليفون سعيد رن برقم غريب .. الووو
المتصل : الحج سعيد
سعيد : ايوا
المتصل : انا شغال عند ادم بيه وهو تعب وفى المستشفى وعايزك ضرورى
سعيد : اتنفض من مكانه وقام ادينى العنوان .. وخد العنوان ومؤمن اصر انه يروح معاه .. ووصلو المستشفى
***************
عمر : بيخبط على الباب .. كارما افتحى
كارما : مش ها افتح
عمر : بيهزر عايز يلطف الجو .. ايه مش عايزا تاكلى سمك تعالى نصتاد وناكل يا ام احمد ما تبقيش نادله وتكوشى على السمك لوحدك
كارما : انت كداب .. وبصوت عالى .. وكمان قليل الادب
عمر : فى واحده تقول لجوزها انت كداب وقليل الادب
كارما : انت مش جوزى
عمر بيهمس : بس حبيبك .. وخلاص اتدبستى وبقيت جوزك امر واقع يعنى
كارما : انت عايز ايه دلوقت
عمر : عايزك .. عايز اخدك فى حضنى .. تعرفى اللحظات الا عدت دى كانت من اجمل اللحظات الا عشتها فى حياتى
كارما : صوتها اتحاش ووشها جاب الوان الطيف
عمر بنفس الهمس : كوكو مش ها اقولك مجبور اعمل كدا .. بس مجبور على حبك وقربك خلاص مش عايز اعرف انا مين ولا ابن مين وانا معاكى انتى شئ جميل همس لقلبى بعشقه ونفسى اطير اشكر ادم على الا عمله
كارما : حست انها مهدده ومش عارفه تتصرف ازاى .. وبصوت طالع بالعافيه .. مين انت .. انا حاسه انى مش عارفاك .. مش انت الانسان الهادى الا بشوفه كل يوم وواثق من نفسه وبيتمالك نفسه لأقصى درجه .. مش انت الا كنت بتضرب رجاله اد الحيطه عشانى
عمر : عندك حق بس قربك صعب .. وجودك جوا قلبى بيجبرنى أظهر مشاعر مش قادر اخبيها .. وخايف اقرب تزعلى .. اطلعى وسيبى نفسك وزى ما تيجى تيجى
كارما : بعياط .. اوعى ياعمر .. انا امانه عندك لحد ما ترجعنى لاهلى .. ارجوك
عمر : بأستسلام .. حاضر اطلعى بقى قبل السمك ما يمشى
كارما ابتسمت وبتمسح دموعها : يمشى يروح فين
عمر : رايح دمياط عنده فرح معزوم فيه
كارما : بتفتح الباب بشويش وطالعه بتبص بنص عين
عمر : اول ما شافها ابتسم .. اطلعى والا ها تغيرى هدومك الا غرقانه دى
كارما بتهز راسها بمعنى اه
عمر : طيب انا ها انزل استناكى تحت وانا كمان ها اغير .. وسابها ونزل وهى بعد وقت نازله اجمل واحلى من الاول بكتير
عمر : اول ما شافها .. وبيقول بصوت واطى .. يالهوووى .. يا سوادك ياقرمط
كارما بخجل بتبص له وتنزل راسها تانى فى الارض : احممم .. ممكن تعدينى
عمر ضحك : هاتعدى الترعه والا ايه
كارما : ما انت قافل الطريق قدامى .. عدينى
عمر : مسك وسطها بأيده الاتنين ورفعها بخفه .. عداها الناحيه التانيه ولسا ماسك وسطها وقرب راسه من راسها وباس خدودها .. انا اسف حقك عليا
كارما : بتشيل ايده براحه .. وحاسه فعلا ان قربه بقى خطر .. خلاص حصل خير
عمر : وهى بتمسك ايديه عشان تشلها .. تبت عليهم الاتنين وباصص لها بنظرات كلها شوق وهيام .. وفاق من شروده .. ياله تعالى .. انا لاقيت هنا عدة الصيد .. وكمان فى كوره . تقريبا كدا كل الا يخطر فى بالك بتلاقيه
كارما : سابت ايده وبتنط زى الاطفال . بجد ها ارمى الشبكه وها اصتاد سمك كبير .. واقول هيله هيله هوب
عمر : هههههههه لا كدا ها تصتادى ارموت كبير مش سمك .. ماتهدى يا كارما انتى على طول ملبشه جددتى كدا انا بشر يا ماما
كارما : انا والله ما عملت حاجه
عمر : وانا والله مظلوم فى ام الليله دى .. وبيزقها قدامى
كارما : بتلف بجسمها .. طيب الشبكه
عمر : بيزقها بايده وماشى وراها وماسك كتفها وبيغنى وهى بترد عليه .. الشبكه عند الصياد
كارما : والصياد يصتاد سمكه
عمر : وها توشبك جوا الشبكه
كارما : نجرى ونخطفها وأكلها هم هم هم
عمر : تانى النداله يا ام احمد .. وناكلها مش تاكليها لوحدك
كارما : ضحكت من قلبها بصوت مسموع وعالى .. وبتقول خلاص وناكلها
عمر : بعد ايه صدتى نفسى .. اقعدى وادها صناره .. وعلمها ازاى تصتاد السمك .. وحاطه رجلها فى الميه وبتهزها .. بطلى هز بتطفشى السمك
كارما : بتشد الصناره .. غمزت .. غمزت .. وطلعتها كانت فيها سمكه صغيره جدا
عمر : انتى ها تصتادى عينات .. احنا عايزين ناكل ركزى على الكبير
كارما : مسكت السمكه ورمتها تانى فى الميه وقاعده بفرحه
عمر : انتى عملتى ايه انتى بترمى السمكه تانى ليه
كارما بتعجب : مش انت الا قولتلى
عمر : اتشك فى لسانى لو قولتها
كارما : هههههههه خلاص خلاص . وكل شويه تعمل هوليله كبيره .. وتطلع سمكه وعمر مفيش ولا سمكه طلعت معاااه ..
عمر : لا كدا كتير ام احمد ها تخلص على السمك كله وانا قاعد اتفرج ..ومره واحده حس ان الصناره بتاعته بتتشد جااامد .. اوبس ويشدها عليه وهى تتشد .. نط ورا الصناره فى الميه وطلع بسمكه كبيره
كارما : بتنط جاااامد وبتصرخ جااامد .. وبتقول حوت .. حوت
عمر : طلع وبيضحك جاامد وماسك السمه كويس وبيقول لها كدا ها نفضل اسبوع ناكل سمك اى خدمه انا الاصل بردو
كارما : ارميها فى الميه تانى .. دا حوت
عمر : ههههههههه فى حوت الحجم دا .. دا حتى معندهاش شنب الست ازاى حوت ههههه
كارما : يعنى دا مش حوت عشان انت بتعرفه من الشنب
عمر : امسكى يا كارما حوت ايه بس .. ودخلو بيها على جوا البيت
*****************
سعيد : دخل لأدم .. الف سلامه عليك مالك انت كنت كويس
ادم : بتعب انا بتظاهر انى كويس يا سعيد .. انا تعبان وتعبان قوى ..وبيشاور بايده على السرير اقعد ياسعيد هنا
سعيد قرب وقعد جمبه : وبيخبطه على كتفه قوم وبطل دلع وهاتلى البت وابنك نفرح بيهم انا وانت
ادم : ان شاء الله ها نفرح .. خد التحليل طلع عشان تتاكد انه ابنى ومن صلبى
سعيد : واضح وضوح الشمس انه ابنك هيئته وماشيته وشكله كل ما اشوفه فى الشارع يفكرنى بيك واسأل رامى واحكيلو عنك
رامى بالهفه : اختى فين ياعمى ارجوك قولى طريقها
ادم : ناديلى محى الا واقف برا
رامى : نادا على محى .. ودخلو
ادم : بكرا ان شاء الله يا محى تروح تجيب عمر وكارما
محى : مش ها ينفع يا باشا .. الطياره الا بنروح بيها الجزيره فيها عطل وقدامها تلات تيام
رامى : يعنى ايه ها نفضل سايبنهم مع بعض
ادم : يابنى والله ما تقلق ابنى رغم اصرارى على جوازهم الا انه رفض وكل تفكيره فيكو انتو .. واختك دمرت الدنيا وماكنش حد قادر عليها وبيبص لسعيد وهى مراته على سنة الله ورسوله والله ياسعيد .. يعنى كل الامور فى ايدينا
سعيد : انت عارف طبعى يا ادم بنتى ها تخرج من عندى وبيطمنه .. انا عارف انك عايزنى جمبك .. ها افضل جمبك مش ها اسيبك وحاول توصل لابنك وفهمه يحافظ على البت
ادم : حاضر وبيغمص عيونه بتعب .. وماسك ايد سعيد خليك جمبى
سعيد : رامى روح انت واى جديد انا ها ابلغك عشان تطمن امك وبتحذير طمنها ماشى
رامى : حاضر يا بابا .. وانسحب بهدوء
*******************
الثنائى بقى دمرو المطبخ والدنيا كلها وواقفين سايحين على نفسهم من الضحك
عمر : بيبعد بطلى يا كارما انا بقيت شبه الجذارين
كارما : فارده ايدها الاتنين فى وش عمر ومالينين دم وبتبرق وبتخن صوتها وبتقول دم .. دم وبتقرب كأنها بتخربشه وبتقول عان عان وسكتت
عمر : هههههههههههه العربيه عطلت والا ايه
كارما : انت ها تعمل ايه فى المهزله دى
عمر بنفى : لا لا لا انتى ها تعملى ايه مش انا فوقى يا ام احمد
كارما : ايه ام احمد الا انت ماسكها ليا دى
عمر بغمزه : ابننا ان شاء الله . والا انتى ناويه تسمى ابنك ايه
كارما بتتوه على الموضوع ؛ احنا ها نطلع الظفاره دى ازاى
عمر : مية البحر بمجرد ما ها تنزلى فيها مش ها تلاقى اى ريحه للظفاره دى
كارما : بجد حقيقى
عمر : طبعا .. سبحان الله .. وخلصو تنضيف السمكه وعمر شوى قطعه من السمكه كبير وكارما عملت الرز والسلطه
كارما : كدا تمام قوى .. وقعدو بياكلو مع بعض بعد ما غيرو وكلو تمام
عمر : كارما هو انتى فاهمه الرز غلط .. والا انا الا فاهمه غلط
كارما بأستعباط : ليه ماهو زى الفل اهوو
عمر : قولى زى العجينه .. دا سايح ونايح على بعضه تحسيه مرغى كمان اكله والا اشربه
كارما : ههههههه لا سورى .. دا اجمل رز انا عملته فى حياتى
عمر : بيهز راسه .. واضح .. هى دى المره الكام الا رميتى فيها الرز
كارما : بترفع صباع واحد الاولى .. دى اول مره اعمل فيها رز انا بشوف ماما بتملى الحله ميه عليه وكمان جاتلى فكره عشان انا مش بعرف اظبط حدق الاكل
عمر بترقب : ايه عملتى ايه غير انك ماليتى الحله ميه
كارما : انا قولت اكيد حدق البحر مظبوط ولا عايز ملح ولا حاجه .. فا مليت منه وعملت الرز بيه وكدا لا ها نحتاج ملح ولا بهارات
عمر : اه .. ماهو البحر مبهر لوحده جميع انواع البشر نزلته ها تحتاجى بهارات ليه ولف وشه وقعد يضحك جااامد لدرجة ان كارما بقت تضحك على ضحكه ..
كارما : انا جباره وربنا وبعرف اتصرف مايغركش
عمر : حط المعلقه وما داقش الرز طيب خلينا فى الحوت قبل ما يبرد او يصحى اصل على الجزيره دى انا شوفت العحب .. وبياكل وبيأكلها رفضت فى الاول بس مع اصراره بقى عادى خلصو تعبو اه بس جمال المواقف بينهم نستهم اى تعب ..
كارما : انا حاسه انى بردانه .. انت مش بردان
عمر : دا عشان عملتى مجهود طول النهار وجسمك سخن وفجأه قعدتى فاحسيتى بالبرد .. وجاب غطا خفيف واصر ياخدها فى حضنه وتحت دراعه وهما قاعدين ..
كارما : هو انت مفهوك ايه عن الحب
عمر : الصراحه انا مش بعترف بيه .. هو موجود بس انا بقول تفاهه ولعب عيال وبشوف تجاوزات غريبه بأسم الحب وبيقنعو نفسهم انهم صح
كارما : بتعجب افهم من كدا .. وقبل ما تكمل
عمر : قبل ما تفهمى غلط .. لف وشه لها وهى راسها بقت سانده على صدره .. الحب شئ جميل ونقى انقى حاجه فى الدنيا .. وبيركز فى عيونها زيى انا وانتى .. لو انتى مش مراتى وحلالى مش ها اسمح لنفسى انى اكون او تكونى فى حضنى بأسم الحب .. ومسك ايدها .. لمسه ايدى ليكى دلوقتى لها معنى وحب .. قبل ما اتجوزك .. كانت ها تبقى شهوه .. كدا انا ها افضل احبك لان صعب حب قبل الجواز يعيش ويستمر بعد الجواز .. الا بناخده سرقه مش بيدوم
كارما : انت حد جميل قوووى .. وبحب كل كلمه بتقولها
عمر : ضمها بحب حقيقى .. وانا كمان بحب كل حاجه منك حتى لو ها تأكلينى بمية البحر
كارما : ههههههههه .. وبعدين اتكلمت .. ارجوك ياعمر اوعى تقرب او تعمل حاجه اهلى يموتو بسببها
عمر : باس راسها اوعدك .. بس خليكى فى حضنى انا حاسس انى مابقتش وحيد فى وجودك
كارما : بادلته الحضن .. حاضر .. وقعدو يتكلمو كتير .. ويضحكو اكتر حتى اتى الصباح بشمس مشرقه توزع اشاعتها على المكان وتعكس الضى جوا عيونهم من جديد
بقلم : لبنى طارق
